დღეს კატასტროფები სულ უფრო მრისხანე ხდება. მრავალი მორწმუნე მოუთმენლად ელოდება უფლის მობრძანებას, რათა თავი დააღწიოს კატასტროფებს და შევიდეს ცათა სასუფეველში. მაგრამ როდესაც საქმე უფლის დაბრუნების შეგებების მოლოდინს ეხება, ადამიანების დამოკიდებულება განსხვავდება. ზოგი უფლის მოძღვრებებს მიჰყვება. ისინი ფხიზლობენ და ლოცულობენ, აქტიურად ეძებენ და იკვლევენ, ყურადღებას ნეფის ხმის მოსმენაზე ამახვილებენ. სხვები კი თავიანთ ეკლესიებში რჩებიან და მხოლოდ იმას ელიან, რომ უფალი ღრუბლით ჩამოვა. ისინი ამას აკეთებენ უფალი იესოს სიტყვებზე დაყრდნობით: „და მყისვე, გასაჭირის იმ დღეების შემდგომ, მზე დაბნელდება და მთვარე აღარ გამოსცემს თავის ნათელს, ვარსკვლავები ჩამოცვივდებიან ციდან და ციური ძალები შეირყევიან. მაშინ გამოჩნდება კაცის ძის ნიშანი ზეცაში და მაშინ მოჰყვება მოთქმას მიწის ყველა ტომი, და იხილავენ კაცის ძეს, ცის ღრუბლებზე მომავალს, დიადი ძალითა და დიდებით“ (მათ. 24:29–30). ისინი ფიქრობენ: „ეს წინასწარმეტყველება თავად უფალმა თქვა. ჩვენ ველოდებით უფლის შეგებებას, ვუყურებთ რა მის ღრუბლით ჩამოსვლას. რა არის ამაში არასწორი?“

ბიბლიურ წინასწარმეტყველებებზე დაყრდნობით, უფლის შეგებებაში არაფერია არასწორი, თუმცა ძნელი სათქმელია, ნამდვილად შეესაბამება თუ არა ღვთის განზრახვას უფლის ღრუბელზე დაშვების მოლოდინი, რადგან უფალმა იესომ ძირითადად იწინასწარმეტყველა, რომ მისი დაბრუნება ძე კაცის სახით, ფარულად მოსვლა იქნებოდა. მაგალითად, უფალმა იესომ იწინასწარმეტყველა: „ვინაიდან, როგორც ელვა გამოდის აღმოსავლეთიდან და თვით დასავლეთამდე ანათებს, ასევე იქნება კაცის ძის მოსვლაც“ (მათ. 24:27). „როგორც იყო ნოეს დღეები, ისევე იქნება კაცის ძის მოსვლაც“ (მათ. 24:37). „ვინაიდან, როგორც ელვა ელავს ცის ერთი კიდიდან და ანათებს მეორე კიდემდე, ასევე იქნება ძე კაცისა თავის დღეს. ოღონდ თავდაპირველად მისი ხვედრია მრავალი ტანჯვის ატანა და უარყოფა ამ მოდგმის მიერ“ (ლუკ. 17:24–25). უფალმა იესომ ასევე იწინასწარმეტყველა: „ამიტომ თქვენც მზად იყავით, ვინაიდან, რომელ საათზეც არ ფიქრობთ, მაშინ მოვა ძე კაცისა“ (მათ. 24:44). „მაგრამ შუაღამისას გაისმა ძახილი: «აჰა, ნეფე მოდის, გამოდით შესაგებებლად!»“ (მათ. 25:6). ეს წინასწარმეტყველებები მოიხსენიებს „ძე კაცისა მოდის“ ან „კაცის ძის მოსვლა“. ტერმინი „ძე კაცისა“ ეხება ადამიანისგან შობილს. სხვა სიტყვებით რომ ვთქვათ, ღმერთი შეიმოსება ხორცით და გახდება ჩვეულებრივი, ნორმალური ადამიანი, ფარულად ჩამოვა კაცობრიობას შორის სალაპარაკოდ და სამუშაოდ. ეს სრულიად განსხვავდება ღრუბელზე საჯაროდ გამოჩენისგან. როდესაც ამდენი წინასწარმეტყველებაა იმის შესახებ, რომ უფალი დაბრუნდება როგორც ძე კაცისა, რატომ ამახვილებს რელიგიური სამყარო ყურადღებას მხოლოდ იმ წინასწარმეტყველებებზე, რომლებიც მის მიერ ღრუბლით დაშვებას ეხება? რატომ არ აქცევენ ყურადღებას წინასწარმეტყველებებს კაცის ძის მოსვლისა და კაცის ძის დაშვების შესახებ? ამ საკითხში გაცილებით მეტია, ვიდრე ერთი შეხედვით ჩანს.

პირველ რიგში, უნდა გვესმოდეს, რა არის ყველაზე დიდი განსხვავება „ძე კაცისა მოდის“ და „ნეფე მოდის“ შესახებ უფლის წინასწარმეტყველებებსა და მისი ღრუბლით ჩამოსვლის შესახებ წინასწარმეტყველებას შორის. ნათლად უნდა დავინახოთ, რომ ამ ორი სახის წინასწარმეტყველების დრო და კონტექსტი სრულიად განსხვავებულია. როგორია კაცის ძის მოსვლის კონტექსტი? უფალმა იესომ ასევე იწინასწარმეტყველა: „როგორც იყო ნოეს დღეები, ისევე იქნება კაცის ძის მოსვლაც“ (მათ. 24:37). ნოეს ეპოქაში ადამიანები ჭამდნენ, სვამდნენ, ცოლი მოჰყავდათ და ათხოვებდნენ. აშკარაა, რომ კაცის ძის მოსვლის კონტექსტი არ განეკუთვნება დიდი კატასტროფების პერიოდს, არამედ იმ დროს, როდესაც ადამიანთა ცხოვრება ჯერ კიდევ ჩვეულებრივად მიმდინარეობდა. სანამ ისინი დაიწყებოდა. ხოლო ღრუბლით ჩამოსვლა დიდი კატასტროფების შემდეგ მოხდება. ამიტომ უფალი იესო ხშირად ამბობდა: „უნდა იფხიზლოთ და მოამზადოთ თქვენი ზეთი უფლის შესაგებებლად“. ეს ნიშნავს განკაცებული კაცის ძის შეგებებას კატასტროფებამდე. მან ასევე იწინასწარმეტყველა განსხვავებული შედეგი გონიერი და უგუნური ქალწულებისთვის. ისინი, ვინც კატასტროფებამდე ეგებებიან განკაცებულ კაცის ძეს, გონიერი ქალწულები არიან. ეს გონიერი ქალწულები ესწრებიან ცათა სასუფევლის ნადიმს და შეუძლიათ, ქრისტეს საყდრის წინაშე სამსჯავრო გამოსცადონ, რათა განიწმინდონ. ისინი შეიქმნენ მძლეველებად და შევლენ ღვთის სასუფეველში. ხოლო რელიგიური ადამიანები, რომლებიც ღრუბლით ჩამოსული უფლის ლოდინს იჩემებენ, რათა მიეგებონ მას, უგუნური ქალწულები არიან. რა შედეგი ელით მათ, ვინც უფლის ღრუბლით ჩამოსვლას ელოდება? ეს არის შედეგი, რომლის დროსაც „ატირდება მის წინაშე მიწის ყველა ტომი“ (გამოცხ. 1:7). ეს ნათლად ნიშნავს, რომ მათ ხელიდან გაუშვეს განკაცებული კაცის ძის მიღების შესაძლებლობა და დაექვემდებარნენ განსჯას, გაკიცხვასა და სასჯელს. ეს ჰგავს თომას შემთხვევას, რომელმაც უფალი იესო უფლად და ქრისტედ მხოლოდ მას შემდეგ აღიარა, რაც მისი სულიერი სხეული იხილა. ამის გამო უფალმა იგი გაკიცხა. როგორც უფალმა იესომ თქვა: „შენ მირწმუნე იმიტომ, რომ მიხილე. ნეტარ არიან ისინი, ვისაც არ ვუნახივარ და მირწმუნეს“ (იოან. 20:29). აქედან ვხედავთ, რომ მათი ბედი, ვინც უფალს კატასტროფებამდე ეგებება, და მათი, ვინც მას შემდგომ ეგებება, სრულიად განსხვავებულია. უფლის განზრახვაა, რომ ადამიანები მას კატასტროფებამდე შეეგებონ და არა დიდი კატასტროფების დასრულების შემდეგ.

ახლა ვისაუბროთ იმაზე, რა მნიშვნელობა აქვს უფლის შეგებებას კატასტროფების დაწყებამდე. უფალმა იესომ თქვა: „კიდევ ბევრი რამ მაქვს თქვენთვის სათქმელი, მაგრამ ვეღარ იტვირთავთ. როცა მოვა იგი, სული ჭეშმარიტებისა, შეგიძღვებათ სრულ ჭეშმარიტებაში“ (იოან. 16:12–13). გამოცხადების წიგნი ასევე წინასწარმეტყველებს: „აჰა, ვდგავარ კართან და ვრეკ. თუ ვინმე მოისმენს ჩემს ხმას და გამიღებს კარს, შევალ მასთან. მე მასთან ვივახშმებ და ის ჩემთან. გამარჯვებულს გვერდში მოვისვამ ჩემს ტახტზე ისევე, როგორც მე გავიმარჯვე და დავჯექი ჩემს მამასთან მის ტახტზე“ (გამოცხ. 3:20–21). ამ წინასწარმეტყველებებიდან შეგვიძლია, დავინახოთ, რომ კატასტროფების დაწყებამდე უფალი შეასრულებს თავისი საქმის ერთ ეტაპს — განკითხვის საქმეს, რომელიც იწყება ღვთის სახლიდან. ეს ნიშნავს, რომ კატასტროფებამდე უფალი ჭეშმარიტებას გამოხატავს და განკითხვის საქმეს შეასრულებს, რათა განწმინდოს და გადაარჩინოს ადამიანთა ჯგუფი და ისინი მძლეველებად აქციოს. გამოცხადების წიგნში ნაწინასწარმეტყველები მძლეველები, უეჭველად, ისინი არიან, ვინც სრულქმნილნი გახდებიან კატასტროფებამდე ან კატასტროფების დროს. წარსულში ყველას გაგვიგია, რომ როდესაც დიდი კატასტროფები დაიწყება, ხსნის კარიბჭე დაიხურება. ეს ნიშნავს, რომ გადარჩენის ღვთის საქმე სრულად დასრულდება. მაშ, თუ დაველოდებით უფლის ღრუბლით ჩამოსვლას, რაც კატასტროფების ბოლოს მოხდება, განა შეძლებს ღმერთი კვლავ აკეთოს გადარჩენის საქმე? ეს შეუძლებელი იქნებოდა. სწორედ როგორც ყოვლისშემძლე ღვთის სიტყვები ამბობს: „ბევრს შეიძლება არ ადარდებდეს ჩემი ნათქვამი, მაგრამ მე მაინც მსურს, ვუთხრა თითოეულ ეგრეთ წოდებულ წმინდანს, რომელიც იესოს მიჰყვება: როდესაც საკუთარი თვალით იხილავთ ზეციდან თეთრ ღრუბელზე დაშვებულ იესოს, ეს იქნება სიმართლის მზის საჯაროდ გამოჩენის ჟამი. შესაძლოა, ეს შენთვის დიდი აღტკინების ჟამი იყოს. თუმცა, უნდა იცოდე, რომ ის დრო, როდესაც იხილავ ზეციდან დაშვებულ იესოს, იქნება შენი ჯოჯოხეთში დასასჯელად ჩასვლის ჟამიც; ეს იქნება დრო, როდესაც ღვთის მართვის გეგმის დასასრული გამოცხადდება და როდესაც ღმერთი დააჯილდოებს კეთილთ, ხოლო ბოროტთ დასჯის. რადგან ღვთის სამსჯავრო მანამ დასრულდება, სანამ ადამიანი ნიშნებს იხილავს — მაშინ, როდესაც მხოლოდ ჭეშმარიტების გამოხატვა იქნება. ისინი, ვინც მიიღებენ ჭეშმარიტებას და არ დაიწყებენ ნიშნების ძიებას, რითაც ჰპოვებენ განწმენდას, იქნებიან მიყვანილნი ღვთის ტახტთან და მოხვდებიან შემოქმედის მკლავებში. სამარადისო სასჯელს დაექვემდებარებიან მხოლოდ ისინი, ვინც ჯიუტად ინარჩუნებს რწმენას, რომ «იესო, რომელიც თეთრ ღრუბელზე არ არის ამხედრებული, ცრუ ქრისტეა», რადგან მათ სწამთ მხოლოდ იმ იესოსი, რომელიც ნიშნებს აღასრულებს, მაგრამ არ აღიარებენ იმ იესოს, რომელიც გამოხატავს მკაცრ სამსჯავროს და ანიჭებს სიცოცხლესა და ჭეშმარიტ გზას. ამრიგად, სხვაგვარად ვერც იქნება: იესო მხოლოდ მაშინ მოჰკითხავს მათ, როდესაც იგი თეთრ ღრუბელზე ამხედრებული ღიად დაბრუნდება“ (სიტყვა, ტ. 1. ღვთის გამოჩინება და საქმე. იმ დროისთვის, როდესაც იესოს სულიერ სხეულს იხილავ, ღმერთს ცა და დედამიწა უკვე განახლებული ექნება). ყოვლისშემძლე ღვთის სიტყვები განსაკუთრებულად ნათელია. ჩვენ შეგვიძლია, დანამდვილებით ვთქვათ, რომ ყველას, ვინც დაიჟინებს უფლის შეგებებას მხოლოდ მაშინ, როდესაც ის კატასტროფების შემდეგ ღრუბლით ჩამოვა, უბედურება ელის, რადგან მათ დაკარგული ექნებათ სამსჯავროს მიღების, განწმენდისა და გადარჩენის შესაძლებლობა. მათ დაკარგული ექნებათ შესაძლებლობა, მიიღონ გამოხატული ჭეშმარიტებები და განკითხვის საქმე, რომელიც ჭეშმარიტების სულმა განახორციელა. მათ არასოდეს ექნებათ შესაძლებლობა, იხილონ ღვთის სახე.

კატასტროფები უკვე დაიწყო. ადამიანის გადარჩენის ღვთის საქმე მალე დასრულდება, შემდეგ კი შევალთ დიდი კატასტროფების უკანასკნელ სამწელიწად-ნახევარში. ეს იქნება ის დიდი კატასტროფები, რომლებიც კაცობრიობას სრულიად გაანადგურებს. უკიდურესად საშიშია, თუ აქამდე არ შეგებებიხართ უფალს; ნებისმიერ მომენტში შეიძლება სიცოცხლე დაკარგოთ. დაუჯერებლად სულელურია, არ ეძებო და იკვლიო ჭეშმარიტი გზა და არ მიიღო „კაცის ძის“ მიერ გამოხატული ყველა ჭეშმარიტება. ეს ადამიანები ნამდვილად უგუნური ქალწულები არიან და უფლის მიერ მხოლოდ მიტოვება და მოკვეთა ელით. შეგვიძლია ვთქვათ, რომ ახლა უფლის შეგებება უაღრესად სასწრაფო საქმეა. შეძლებთ თუ არა უფლის შეგებებას იმ დიდ კატასტროფებამდე, რომლებიც გაანადგურებს კაცობრიობას და მიიღებთ თუ არა უკანასკნელი დღეების ღვთის განკითხვას განსაწმენდად, პირდაპირ განსაზღვრავს თქვენს შედეგს დიდ კატასტროფებში: სიცოცხლეს თუ სიკვდილს!