დიდებამ სიონამდეც მიაღწია და უფლის სამყოფელიც გამოჩნდა. უფლის რჩეული ხალხები განადიდებენ და ავრცელებენ დიად წმინდა სახელს. ო, ყოვლისშემძლე ღმერთო! სამყაროს გამგებელი, უკანასკნელი დღეების ქრისტე — იგი არის მანათობელი მზე, რომელიც გამოჩნდა ბრწყინვალე და დიდებული სიონის მთის წვერზე და გაანათა სრულიად სამყარო...

ყოვლისშემძლე ღმერთო! სიხარულით მოგიხმობთ, ვცეკვავთ და გიმღერით შენ. შენ ნამდვილად ხარ ჩვენი მხსნელი, სამყაროს დიადი ხელმწიფე! შენ შექმენი გამარჯვებულთა გუნდი და აღასრულე უფლის მართვის გეგმა. ღმერთის რჩეული ხალხები ამ მთისკენ გაემართებიან და ტახტის წინაშე მუხლს მოიყრიან! შენ ხარ ერთადერთი ჭეშმარიტი ღმერთი და იმსახურებ ყოველ დიდებასა და პატივს. სრულიად დიდება, ლოცვა–კურთხევა და ძალაუფლება შენს ტახტს! სიცოცხლის წყარო შენი ტახტიდან მოედინება, არწყულებს და კვებავს ღმერთის ყველა ადამიანს. ჩვენი ცხოვრება დღითიდღე იცვლება. ახალი სინათლე და გამოცხადება თან გვდევს, გვაწვდის რა მუდმივად ახალ ცოდნას ღმერთის შესახებ. ამ გამოცდილების წყალობით, უფრო მეტად ვრწმუნდებით ღმერთში. მისი სიტყვები მუდმივად გვევლინება და ცხადდება საჭირო ადამიანებში. ჩვენ ნამდვილად ვართ დალოცვილები! ყოველდღე პირისპირ ვხვდებით ღმერთს, ყველა საკითხში ვურთიერთობთ ღმერთთან და ყველა საქმის მართვის უფლებას მას ვანიჭებთ. ღმერთის სიტყვაზე გულდასმით ფიქრით, ჩვენი გულები მშვიდდება ღმერთის წიაღში და ასე აღმოვჩნდებით ღმერთის წინაშე და ვიღებთ მის ნათელს. ყოველდღიურ ცხოვრებაში — ჩვენს ქმედებებში, სიტყვებში, აზრებსა და იდეებში — ჩვენ ღმერთის სიტყვით ვცხოვრობთ და შეგვიძლია ნებისმიერ დროს ავის და კარგის გარჩევა. ღვთის სიტყვას შეუძლია ძაფის ნემსში გაყრა და ჩვენში დამალული აზრების ერთმანეთის მიყოლებით გამომჟღავნება. ღმერთთან თანაზიარება გადავადებას არ ითმენს, რამეთუ ჩვენი აზრები და ფიქრები მის წინაშე შიშვლდება. ჩვენი სიცოცხლის ყოველ წამს ქრისტეს ტახტის წინაშე ვატარებთ და გავდივართ მის სამსჯავროს. ჩვენი არსების თითოეული ნაწილი სატანას უპყრია. თუკი გვსურს დღეს ღმერთის მეფობის აღდგენა, საჭიროა უფლის ტაძრის გაწმენდა. იმისათვის, რომ მთლიანად უფალს მივუძღვნათ თავი, უნდა ჩავებათ სამკვდრო–სასიცოცხლო ბრძოლაში. და მხოლოდ მაშინ, როდესაც ჩვენს უწინდელ „მეს“ ჯვარზე გააკრავენ, ჩვენში სრულად გამეფდება ქრისტეს მკვდრეთით აღდგომილი სიცოცხლე.

ამჟამად სულიწმინდა ჩვენი არსების ყოველ კუთხე-კუნჭულს უტევს, რათა იბრძოლოს ჩვენი გადარჩენისთვის! სანამ მზად ვართ უარი ვთქვათ საკუთარ სურვილებზე და ვითანამშრომლოთ ღმერთთან, ღმერთი აუცილებლად გაგვანათებს და ყოველთვის განგვწმენდს შიგნიდან, დაგვიბრუნებს ყველაფერს, რაც სატანამ ჩვენში გახრწნა, რათა ღმერთმა რაც შეიძლება სწრაფად სრულგვქმნას. ნუ დაკარგავთ დროს, სიცოცხლის თითოეული წამი უფლის სიტყვაში გაატარეთ, აღშენდით წმინდანებთან ერთად, შედით სასუფეველში და შეუერთდით ღმერთს დიდებისკენ გზაზე.